Petra Kelly

Petra Kelly

(1987)
Biografía
Nacemento	(de) Petra Karin Lehmann 29 de novembro de 1947 Günzburg, Alemaña
Morte	1 de outubro de 1992 (44 anos) Bonn, Alemaña
Causa da morte	homicidio
Lugar de sepultura	Waldfriedhof Würzburg (en) , Abteilung 4, Feld 4, Reihe 20, Nr. 7
Membro do Bundestag
18 de febreiro de 1987 – 20 de decembro de 1990 Lexislatura: 11th German Bundestag (en) Electa en: eleições federais na Alemanha Ocidental em 1987 (pt)
Representante da Asemblea Parlamentaria do Consello de Europa
Representa: Alemaña 1 de xullo de 1985 – 4 de maio de 1987
Membro do Bundestag
29 de marzo de 1983 – 18 de febreiro de 1987 Lexislatura: 10th German Bundestag (en) Electa en: eleições federais na Alemanha Ocidental em 1983 (pt)
Substituto na Asemblea Parlamentaria do Consello de Europa
Representa: Portugal 29 de xuño de 1934 – 1 de xullo de 1985
Datos persoais
Educación	American University (pt) Universidade de Ámsterdam Hampton High School (en)
Actividade
Lugar de traballo	Bonn Bruxelas
Ocupación	política, activista, ecoloxista
Partido político	Partido Socialdemócrata de Alemaña Alianza 90/Os Verdes
Membro de	Asemblea Parlamentaria do Consello de Europa
Familia
Parella	Gert Bastian
Premios
(2002)  Premio Luz da Verdade (1982)  Premios Nobel Alternativos
Descrito pola fonte	Obálky knih,

Petra Karin Kelly, nada en Günzburg o 29 de novembro de 1947 e finada en Bonn o 1 de outubro de 1992, foi unha política e activista pola paz alemá e unha das principais fundadoras da partido Alianza 90/Os Verdes.

Traxectoria

Kelly e Otto Schily despois das eleccións de 1983 na RFA

Petra Karin Lehmann naceu en Günzburg, Baviera, en 1947, e cambiou o seu apelido por Kelly tras casar a súa nai co que foi o seu padrasto, un oficial da armada estadounidense. Foi educada de moi nova na relixión católica nun convento de Günzburg e despois asistiu ao colexio en Xeorxia, ao radicarse a súa familia nos Estados Unidos. Viviu e estudou nos Estados Unidos entre 1959 e 1970.

Kelly foi admiradora de Martin Luther King, Jr. e fixo campaña a favor de Robert F. Kennedy e Hubert H. Humphrey nas eleccións presidenciais dos Estados Unidos de 1968. Estudou ciencias políticas na School of International Service na denominada American University en Washington, D.C. dende 1966 e graduouse polo European Institute na Universidade de Ámsterdam en 1971. Mentres traballaba na Comisión Europea (1971-1983), participou en numerosas campañas a favor da paz e o medio natural en Alemaña e noutros países.

Kelly foi unha das fundadoras en 1979 do Partido dos Verdes (Die Grünen), o Bündnis 90 / Die Grünen. Entre os anos 1983 e 1990, foi membro do Bundestag polos Verdes. En maio de 1983 viaxou a Tenerife, onde apoiou coa súa firma o Manifesto de Tenerife, documento precursor do partido político dos Verdes españois. A súa publicación coincidiu coa polémica sobre a pertenza de España na OTAN e o florecimiento dos diversos partidos verdes no resto de países europeos.

Despois de traballar para a Comisión Europea, cambiou o traballo por unha praza de administración no Comité Económico e Social Europeo, onde loitou polos dereitos das mulleres.

Kelly recibiu o Right Livelihood Award (coñecido como o Premio Nobel Alternativo) en 1982 "...por forxar e implementar unha nova visión unindo os asuntos ecolóxicos co desarme, a xustiza social e os dereitos humanos". En 1987 escribiu o libro Fighting for Hope publicado por South End Press, que é un chamamento urxente por un mundo libre de violencia entre o norte e o seu, homes e mulleres, as persoas e a súa contorna.

En 1992 Petra Kelly faleceu asasinada en Bonn mentres durmía por un disparo aparentemente pola súa parella, o antigo xeneral da OTAN e político do partido verde Gert Bastian (nacido en 1923), que despois se suicidou. Ela tiña 44 e el 69. O seu corpo foi descuberto o 19 de outubro, mais determinouse que a data da morte foi arredor do día 1. Kelly foi enterrada en Waldfriedhof en Würzburg.

Legado

A cidade de Bonn dedicoulle en abril de 2006 un recordatorio dunha vida dedicada á paz, cambiando o nome dunha parte da rúa Franz-Josef-Strauß-Allee por Petra-Kelly-Allee.

Co obxectivo de permitir que as ideas políticas de Petra Kelly e a súa mensaxe continuasen vivos, creouse en 1997 a fundación Petra Kelly como parte da fundación Heinrich Böll. A fundación Heinrich Böll mantén os arquivos de Petra Kelly e presenta, dende o ano 1998, o premio internacional Petra Kelly para os dereitos humanos, a ecoloxía e a política pola non violencia.

En palabras do seu amigo, o Dalai Lama: “Petra Kelly foi designada para dedicar a súa vida e persoa na loita polos oprimidos, os débiles e os perseguidos da época en que vivimos. O seu espírito e legado de solidariedade humana e inquietude continúan a inspirarnos e animarnos a todos”.

Véxase tamén

Bibliografía

• Parkin, Sara. La Vida i Mort de Petra Kelly, Rius Oram Premsa/Pandora, 1995 (ISBN 0-04-440940-0)
• Saskia Richter. Dau Aktivistin: Das Leben der Petra Kelly. Deutsche Verlags-Anstalt, Múnic 2010, ISBN 978-3-421-04467-9.

Ligazóns externas

• Currículum Vitae con fotografía Arquivado 18 de xullo de 2011 en Wayback Machine.
• Happiness Is a Warm Gun Arquivado 26 de xaneiro de 2021 en Wayback Machine.
• Right LivelihoodArquivado 21 de xuño de 2015 en Wayback Machine.
• Petra Kelly Archives na fundación Heinrich Böll
• Programa de BBC4